http://ashraf-attar.ahlamontada.net
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا
ادارة المنتدي

http://ashraf-attar.ahlamontada.net

منتدي ديني يشمل كل ما يهم الشباب في امور حياتهم اليومية لكي ينالواالجنة ان شاء الله
 
الرئيسيةالمواضيع الجديدالتسجيلدخول

شاطر | 
 

 للاطفال عند دخول المدرسه ((الكى جى ))

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ام اميرة
لا اله الا الله محمد رسول الله
لا اله الا الله محمد رسول الله
avatar

العنوان العنوان : مصر
الدوله :
عدد المساهمات : 1452
تاريخ التسجيل : 31/03/2010
المزاج المزاج : الحمد لله رب العالمين

مُساهمةموضوع: للاطفال عند دخول المدرسه ((الكى جى ))   الثلاثاء 25 مايو 2010, 5:34 am



السلام عليكم ورحمة الله وبركاته


التركيز والمذاكرة)

اولا

احب اعرفكم ان الطفل لا يشعر باى مسؤلية .. لا يعلم انه لازم يذاكر او لازم يعرف يكتب ..
احنا اللى بنعلمه ونعرفه انه لازم يقرا ويكتب ..
والمشكله اننا فاكرين ان الحروف دى حاجة بسيطة ..وان لازم الطفل يتعلمها بسرعة

ونزعل لما الطفل ميعرفش يكتب ويقرأ في اول اسبوع او حتى شهر من الدراسة
ده مش طالب ثانوي ..هيمسك الكتاب ويذكر لوحده

زى بالظبط البذرة شوفي هى صغيرة ازاى ولما بنزر عها في الارض ونرعاها .. بتكبر وتبقى شجرة بفضل الله

البذرة هى الحروف ..
والارض هى عقل الطفل ..
والشجرة هى ما سوف يتعلمه فيما بعد..

البذرة لا تزرع نفسها في الارض .. ولا تسقى نفسها .. لازم حد يزرعها ويرعاها
ولا تكبر وتبقى شجرة في يوم وليلة

والمشكله الكبيرة ان احنا بنفضل منتظرين الطفل لما يدخل المدرسة kg1 ويتعلم

طب ليه لا نبدء مع اطفالنا قبل ذلك؟؟؟؟؟؟
يا ريت نحط كلنا المثل ده في عقلنا .. ونفكر فيه واحنا بنتعامل مع اولدنا

ندخل في موضوع التركيز
لا يجب ان يجلس الطفل ليكتب الواجب .. اكثر من نصف ساعة في البداية
ولو لم يكتب في هذه الفترة ..لابد من اخذ راحه ربع ساعة قبل العودة مرة اخرى للكتابه ..
ولا تزيد الفترة الاخرى عن نص ساعة ايضا .. حتى ولو لم يكمل الواجب لا تخافي لن يسقط في اعمال السنة

واذا كتب ولو حتى حرف واحد صح ..لابد ان يكون هناك مكافئة فورية حتى تحفزه للكتابة مرة اخرى

الربع ساعة الراحة هتعملى ايه فيها؟؟؟؟؟

هتقفزي مع ابنك يعنى هتنطى

ومش عايزة وحدة تضحك
الطفل لما بينط في الهوا .. بيبقى سعيد وبيضحك .. ولما تشاركيه النط هيبقى سعيد اكتر..
وهنعمل معاه شوية رياضة سويدى
ممكن نستعمل بعض الكلمات الانجليزية

واحنا بنلعب مثل تحريك الذراعين لاعلى ولاسفل up & down
لف الذراعين فى الهواء لعمل دوائر نقول make Circle
فتح وضم الذراعين open & close

المهم تحركي الطفل وفى نفس الوقت هيعرف بعض الكلمات الانجليزية
ولما يرجع للكتابة مرة اخرى ان شاء الله هيكون متحمس وهيكتب بتركيز


ثانيا
بالنسبة للمذاكرة والتذكر
ففى مثل جميل بيقول البعيد عن العين بعيد عن القلب ..

احنا حنعدل في المثل ده ونقول .. البعيد عن العين بعيد عن الذاكرة
ولو تفتكرو في اول موضوع كتبته ..
طلبت منكم احضار بوستر حروف وارقام وتعليقها في غرف الاطفال عشان تبقى الحروف امامه دائما

وممكن ايضا احضار استيكرز للحروف ونلصقها على العاب الطفل
فمثلا سيارة تبدء بحرف السين واطلبى من الطفل لزق الحرف على السيارة.. وهكذا

كما يمكن احضار صلصال ونجلس مع الطفل ونشكل الحروف والارقام بالصلصال

وممكن ايضا احضار بازل للحروف ونقوم بفكه وتركيبه مع الطفل

اما بالنسبة للارقام
ممكن تعملى في حجرة الطفل سلة مفتوحة من الاسفل ومعلقة ..وتحضرى عددا من الكرات الصغيرة
وتلعبى مع ابنك وترمى الكرة في السلة وتطلبى منه رمى عدد معين من الكرات
ومن هنا يبدء الطفل تعلم العد

وهناك افكار كثيرة للعب (المذاكرة) مع الاطفال
ولو لاحظتم ان الحاجة الوحيدة التي تشد انتباه الاطفال هي اللعب

طب ده جميل
احنا ممكن نحول اللعب ده لمذاكرة .. المهم النتيجة

الطفل شايف الحروف قدامه ليل ونهار
وبيلعب بالحروف ..وبيلون الحروف .. وبيشكل الحروف بالصلصال
لازم يحفظها ..لان الحرف في الكراسة ليس له اي معنى للطفل مجرد خط على ورق

لازم الطفل يحس بالحرف يشوفه بعنيه ويلمسه بايديه

ارجوا من كل ام اتباع الاتى لزيادة تركيز الاطفال

1- اكل الزبيب ينعش الذاكرة فاحرصى عليها مع بعض المكسرات مثل عين الجمل
2- اكثرى للطفل من اكل الاسماك وخاصة التونة والمكريل والسردين على الاقل مرتين اسبوعيا لانه يحتوى على زيت اوميجا3 وده مفيد جدا للذكاء
3- الاكثار من المواد التى تحتوى على فيتامين الحديد مثل التفاح ..لان نقص الحديد يؤدى الى ضعف التركيز

ويا رب احفظ اطفالنا جميعا ونستفيد كلنا من الكلام ده

قولوا آمين





الرجوع الى أعلى الصفحة اذهب الى الأسفل
اشرف العطار
سبحان الله
سبحان الله
avatar

العنوان العنوان : الجيزة - جمهورية مصر العربيه
الدوله :
عدد المساهمات : 3894
تاريخ التسجيل : 05/01/2010
المزاج المزاج : الحمــــ لله ـــــد

مُساهمةموضوع: رد: للاطفال عند دخول المدرسه ((الكى جى ))   الأحد 06 يونيو 2010, 11:34 am

مجهود طيب
بارك الله فيكِ








الرجوع الى أعلى الصفحة اذهب الى الأسفل
ام اميرة
لا اله الا الله محمد رسول الله
لا اله الا الله محمد رسول الله
avatar

العنوان العنوان : مصر
الدوله :
عدد المساهمات : 1452
تاريخ التسجيل : 31/03/2010
المزاج المزاج : الحمد لله رب العالمين

مُساهمةموضوع: رد: للاطفال عند دخول المدرسه ((الكى جى ))   الخميس 21 أكتوبر 2010, 5:35 pm






الرجوع الى أعلى الصفحة اذهب الى الأسفل
 
للاطفال عند دخول المدرسه ((الكى جى ))
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
http://ashraf-attar.ahlamontada.net :: ركــــــن الاسرة المسلمة :: باب الطفولة و الامومة-
انتقل الى: